Er den ikkje vakker?
Eg fekk kjempelyst å lesa boka med ei gong eg såg den! Grøn og fin!
(Så då las eg den, då!)
Det handlar om nabobarna Leo og Mei. Dei bur på motsatt side av gata for kvarandre. Dei er motsett av kvarandre!
Leo har ein skavank, ein fot som ikkje veks seg lang og fin som den andre. Mei har kraft i begge beina og spring som ein vind! Mei bur i ein trygg heim, Leo er redd heime. Leo og Mei er heilt ulike, og heilt avhengige av kvarandre.Dei prøver å gje kvarandre det beste - å gjera det beste for kvarandre. Denne boka handlar aller mest om vennskap.
Om nettene vert Leo låst inne i kjellaren. Mei er hans reddande engle som kjem og slepper han ut. Nesten kvar natt?
Det er ei utruleg poetisk og vakker og sår bok. Eg syns den er nydelig, men eg er usikker på om lesarar på Leo og Mei sin alder ville synast det same. Den er ikkje kjedeleg (faktisk er det ein heil masse action - med Leo som klatrar opp i tretoppen sjølv om han ikkje kan klatra - og så dett han ned og skadar seg -og Mei føler at ho har svikta, sian ho sprang vekk frå faren til Leo), men det er litt vanskeleg å tru på forteljinga og karakterane i den. Eg har aldri møtt nokon som Leo eller Mei. Dei er spesielle born!
Eg likte boka. Kjempegodt, faktisk!
Det blir spennande å sjå om ho blir populær blandt dei unge lesarane på biblioteket! =0)
GOD BOK, folks!
Ingen kommentarer:
Legg inn en kommentar